સૌરાષ્ટ્રમાં વિરોધ પેટ્રોલ-ડીઝલના ભાવ વધારા સામે રાજકોટ કોંગ્રેસનો સાયકલ સાથે વિરોધ, ટીંગાટોળી કરી અટકાયત, જામનગરમાં થાળી વગાડી

રાજકોટ. પેટ્રોલ-ડીઝલના ભાવમાં વધારો થતા આજે બુધવારે રાજકોટ કોંગ્રેસ દ્વારા વિરોધ કરવામાં આવ્યો હતો. ત્રિકોણબાગ ખાતે કોંગ્રેસના કોર્પોરેટરો અને કાર્યકરોએ સાયકલ રેલી યોજી વિરોધ કર્યો હતો. બાદમાં જમીન પર બેસી સરકાર અને ભાજપ વિરૂદ્ધ સુત્રોચ્ચાર કર્યા હતા. સાયકલ પર બેનરો લગાવવામાં આવ્યા હતા. જેમાં લખવામાં આવ્યું હતું કે, ભાજપ તેરે અચ્છે દિન જનતા તેરે બુરે દિન, દુનિયાભરમાં સોંઘુ પેટ્રોલ ભાજપ રાજમાં મોંઘુ પેટ્રોલ, સરકારી તિજોરી ભરવા પ્રજાની લૂંટ બંધ કરો. વિરોધ કરતા રાજકોટ શહેર કોંગ્રેસના પ્રમુખ અશોક ડાંગર, પૂર્વ પ્રમુખ મહેશ રાજપૂત, ગાયત્રીબા વાઘેલા સહિત7 કાર્યકરોની પોલીસ દ્વારા ટીંગાટોળી કરીઅટકાયત કરવામાં આવી છે. જામનગરમાં પેટ્રોલ-ડીઝલના ભાવ વધારા સામે કોંગ્રેસ દ્વારા થાળી વગાડી વિરોધ કરવામાં આવ્યો હતો.