કોરોના વાઇરસ ગાંધીધામમાં ડીપીટીના બે કર્મી, વેપારી પોઝિટિવ

ગાંધીધામ. શનિવારે દીન દયાલ પોર્ટના બે કર્મચારીઓ એક ડિપીટીના ડેપ્યુટી કન્ઝર્વેટીવ કેપ્ટન શ્રીનીવાસનના અંગત સચિવ રચેલ એલેક્ઝાન્ડર અને ફાયર વિભાગના સ્ટેશન ઓફિસર તેમજ ટ્રાન્સપોર્ટ એન્ડ ડોક વર્કર્સ યુનિયનના અગ્રણી મુકેશ ગણેશ વાસુનો કોરોના રિપોર્ટ પોઝિટિવ આવ્યો હતો. જે ગત સપ્તાહથીજ ઘરે એકાંતવાસમાં હોવાનું  જણાવ્યું હતું. અહિ નોંધવુ રહ્યું કે ગત સપ્તાહે પુર્વ ટ્રસ્ટીને કોરોના પોઝિટિવ આવ્યા બાદ તેમના સંપર્કમાં આવેલા 14 લોકોની લીસ્ટ બહાર પડી હતી, જેમાંથી ત્રણના કેસ અત્યાર સુધી પોઝિટિવ આવી ચુક્યા છે. તો આ સાથે કિરાણાની દુકાન ધારક અને મેડિકલ સ્ટોર ધારકને પણ પોઝિટિવ આવતા તે વેપારી સ્તર પર ફેલાઈ રહ્યું હોવાની ચીંતા સંકુલમાં પ્રસરી રહી છે. કુલ 7 ગાંધીધામના લોકોને શનિવારે પોઝિટિવ રિપોર્ટ આવ્યો છે.