Gmailની સર્વિસ ડાઉન:જીમેઈલ હેક થયું હોવાની આશંકા, મેઈલ મોકલવાની સેવા ખોરંભે ચડી, ગૂગલ ડ્રાઈવ અને યુટ્યૂબની સર્વિસ પણ ખોરવાઈ?

• સવારે 11 વાગ્યાથી ભારત સહિતના 11 દેશોમાં જીમેઈલની સર્વિસ ખોરવાઈ હોવાની ફરિયાદો થઈ
• ગૂગલે પણ સત્તાવાર ગૂગલ એપ પેજ પર જીમેઈલ અને ડ્રાઈવની સેવાઓ ખોરવાઈ હોવાનું સ્વીકાર્યું

• ગૂગલની ઈ-મેઈલ સર્વિસ જીમેઈલની સર્વિસ વૈશ્વિક સ્તરે ખોરવાઈ હોવાથી હેકિંગની આશંકા પ્રબળ બની છે. સવારે 10 વાગ્યા પછી ભારત સહિતના કેટલાંક દેશોમાં જીમેઈલની સેવાઓ યથાવત કામ ન કરતી હોવાની ફરિયાદો આવી હતી. બાદમાં ગૂગલે પણ પોતાના સત્તાવાર ગૂગલ એપ પેજ પર જીમેઈલની સેવાઓ ખોરવાઈ હોવાનું કબૂલ્યું હતું. અલબત્ત, સત્તાવાર કારણ હજુ આપવામાં આવ્યું નથી.

  ગૂગલ ડ્રાઈવમાં પણ ફાઈલ અપલોડ કે ડાઉનલોડ થવામાં મુશ્કેલી થઈ રહી હોવાની ફરિયાદો થયા બાદ ગૂગલે ડ્રાઈવની સેવાઓ પણ ખોરવાઈ હોવાનું સ્વીકાર્યું હતું. ઉલ્લેખનીય છે કે, દુનિયાભરમાં 150 કરોડ અને ભારતમાં 36.5 યુઝર્સ ધરાવતી આ સર્વાધિક લોકપ્રિય મેઈલિંગ સર્વિસ છે અને તેના ખોરવાવાથી વિશ્વભરમાં મુશ્કેલી સર્જાઈ શકે છે.