અમદાવાદ:ગોરધન ઝડફિયાને શૂટ કરવા આવેલા શાર્પશૂટરનો કોરોના રિપોર્ટ પોઝિટિવ, ATS, ક્રાઈમ બ્રાન્ચના 40 કર્મીઓએ ક્વોરન્ટીન થવું પડશે

મંગળવારે મોડી રાતે ગુજરાત ATS અને અમદાવાદ ક્રાઈમ બ્રાન્ચની ટીમે વિનસ હોટલમાંથી શાર્પશૂટરને ઝડપી પાડ્યો હતો

મંગળવારની મધરાતે ગુજરાત ATS અને અમદાવાદ ક્રાઈમ બ્રાન્ચે રીલિફ રોડ પરની વિનસ હોટલમાં ઓપરેશન શાર્પશૂટર પાર પાડ્યું હતું. જેમાં ઈરફાન ઈલિયાસ શેખ નામના એક શાર્પશૂટરને ઝડપી પાડવામાં પોલીસને સફળતા હાથ લાગી હતી. તેનો કોરોના રિપોર્ટ કરાવતા પોઝિટિવ આવ્યો છે. તેને સોલા સિવિલ ખસેડવામાં આવ્યો છે. શાર્પશૂટરનો કોરોના રિપોર્ટ પોઝિટિવ આવતા હવે ATS, અમદાવાદ ક્રાઈમ બ્રાન્ચ અને કારંજ પોલીસના 40 પોલીસકર્મીઓએ ક્વોરન્ટીન થવું પડે તેવી સ્થિતિ ઊભી થઈ છે.