Ahemdabad/પોલીસ કમિશનર સંજય શ્રીવાસ્તવે 10 પીઆઈની આંતરીક બદલી કરી, વિવાદાસ્પદ પીઆઇને સાઇડ પોસ્ટિંગ

નવા પોલીસ કમિશનર સંજય શ્રીવાસ્તવે ચાર્જ સંભાળ્યાના 25 દિવસમાં જ અલગ અલગ પોલીસ સ્ટેશનના પીઆઈની આંતરિક બદલીઓ કરી છે. 10 જેટલા પીઆઈની બદલી કરવામાં આવી છે. જેમાં ખાસ કરીને પોલીસ સ્ટેશન વિસ્તારમાં દારૂ અને જુગાર ચાલતા હોવાના પોસ્ટર વિવાદમાં આવેલા શહેરકોટડા પીઆઈ વી.ડી.વાળાની પોલીસ કંટ્રોલરૂમમાં બદલી કરી દેવામાં આવી છે. તેમજ ભાજપના નેતા ગોરધન ઝડફિયાની હત્યા માટે આવેલા મુંબઈનો શાર્પ શુટર કારંજ પોલીસ સ્ટેશનથી 100 મીટર દૂર જ આવેલી હોટલમાં રોકાયો હતો અને એક PSI પણ એ જ હોટલમાં રાતે આરામ કરવા ગયો હતો જેને લઇ કારંજ પીઆઈની ટ્રાફિક શાખામાં બદલી કરવામાં આવી છે.

દાણીલીમડા પીઆઇ વી.આર.વસાવાને શહેરકોટડા પીઆઇ, ચાંદખેડા પીઆઈ ડી.વી. તડવીને કારંજ પીઆઇ, રખિયાલ પીઆઇ આર.એલ.ખરાડીને ચાંદખેડા પીઆઇ, એરપોર્ટ પીઆઇ કે.સી રાઠવાને રખિયાલ પીઆઇ, મેઘાણીનગર સેકન્ડ પીઆઇ આર.આર.દેસાઈને એરપોર્ટ પીઆઇ તરીકે તેમજ લિવ રિઝર્વ પીઆઇ તરીકે રહેલા એમ.એમ.લાલીવાલાને દાણીલીમડા, વી.એમ.દેસાઈને વસ્ત્રાપુર સેકન્ડ અને વી.ડી. મોરીને કંટ્રોલરૂમ પીઆઇ તરીકે મુકવામાં આવ્યા છે.