માંડવીમાં મિલકતના વિવાદમાં નલિયા રોડ પર ભુજના બે લોકોની કાર પર 4 રાઉન્ડ ફાયરિંગ

• 
  કાર પર અંધાધૂધ 4 ચાર રાઉન્ડ ફાયરિંગ થતાં કારના કાચ ફૂટ્યા હતા
• ફાયરિંગના બનાવને પગલે માંડવી પોલીસ ઘટના સ્થળે દોડી જઈ ફાયરિંગ કરનારને ઝડપી

• બંદરિય નગરની છેવાડે નલિયા રોડ પર આવેલી રોયલ વિલા સોસાયટીમાં આજે ફાયરિંગના 4 રાઉન્ડનો બનાવ બન્યો હતો. મિલકત વિવાદમાં ભુજના કાર સવાર બે લોકો પર એક શખ્સે 4 રાઉન્ડ ફાયરિંગ કર્યુ હતું. સદનસીબે કારમાં સવાર એક જ વ્યક્તિને સામાન્ય ઈજાઓ થઈ હતી. જ્યારે કારના ફૂટ્યા હતા.

  ફાયરિંગમાં કારના કાચ તૂટ્યા
  રોયલ વિલામાં રહેતા વિક્રમ દેવાભાઈ ભાટીયા નામના વ્યક્તિ સાથે પ્લોટ બાબતે ભુજના યાકુબ ખત્રી (રહે. ખારીનદી પાસે ભુજ) અને પ્રકાશ સિંઘવ (ભુજ) નામના બે વ્યક્તિ સાથે મિલકત મામલે લાંબા સમયથી વિવાદ ચાલતો હતો. જેમાં મિલકત વિવાદમાં આજે બંનેની કાર પર વિક્રમ નામના શખ્સે ચાર રાઉન્ડ ફાયરિંગ કર્યું હતું. જેમાં ફાયરિંગને પગલે કારના કાચ વાગવાથી યાકુબ ખત્રીને સામાન્ય ઈજાઓ થઈ હતી. ફાયરિંગની ઘટનામાં કારના કાચના કારણે બંનેના જીવ બચ્યા હતા.

• પોલીસે ફાયરિંગ કરનારને ઝડપી પાડ્યો
  ભુજના લોકોની કાર પર ફાયરિંગની ઘટના બાદ સ્થાનિક પોલીસ ઘટના સ્થળે દોડી ગઈ હતી. ભુજના બંને વ્યક્તિ પર ફાયરિંગ કરીને હત્યાનો પ્રયાસ કરનાર શખ્સને પોલીસે પકડી પાડ્યો હતો અને તેની વિરૂધ્ધ ફરિયાદ નોંધવા તજવીજ હાથ ધરી હતી.
  

•