PM ફરી ગુજરાત આવશે:વડાપ્રધાન નરેન્દ્ર મોદી 14 અને 15 ડિસેમ્બરે કચ્છમાં, નવા સોલાર પ્રોજેક્ટનું ખાતમૂહુર્ત કરી ધોરડોમાં રાત્રિ રોકાણ કરે તેવી શક્યતા

વડાપ્રધાન નરેન્દ્ર મોદી ફરી એકવાર ગુજરાતની મુલાકાત આવશે. તેઓ આગામી 14 અને 15 ડિસેમ્બરે સરહદી જિલ્લા કચ્છમાં રોકાશે. તેઓ ગુજરાતમાં બે દિવસ રોકાશે અને કચ્છમાં સોલાર પ્રોજેક્ટનું ખાતમૂહુર્ત તથા ડિસેલિનેશન પ્લાન્ટનું ઉદઘાટન કરશે. છેલ્લા 3 મહિનાથી વડાપ્રધાન ગુજરાતની મુલાકાત લઈ રહ્યા છે. અહીં વિવિધ પ્રોજેક્ટના ખાતમૂહુર્ત, લોકાર્પણ કરે છે. જ્યારે એક મુલાકાત સમયે વેક્સિનના પરીક્ષણનું નિરીક્ષણ પણ કર્યું હતું

ગઈ 30મીએ વડાપ્રધાન આવવાના હતા પરંતુ કાર્યક્રમ મુલત્વી રહ્યો 
ગયા મહિનાની 30 નવેમ્બરે દેવદિવાળીએ વડાપ્રધાન નરેન્દ્ર મોદી કચ્છ ખાતે વિશ્વના સૌથી મોટા એનર્જી પાર્કનો શિલાન્યાસ અને માંડવી ખાતે એક નવા ડિસેલિનેશન પ્લાન્ટનું ઉદઘાટન કરવાના હતા. પરંતુ તે કાર્યક્રમને કોઈ કારણોસર મુલતવી રાખવામાં આવ્યો હતો.